 |
| මියගිය අනුෂ්ක |
අද උදැසන මහින්ද විද්යාලයේ සිසුවෙක් ගෙල වැල ලාගෙන මියගොස් තිබෙනවා. මෙසේ මියගොස් ඇත්තේ අනුෂ්ක මදුෂාන් නමැති 13 වසර විද්යා අංශයේ ඉගනනුම ලබන සිසුවෙක්. ඇඹිලිපිටියේ පදිංචි මෙම සිසුවා සියදිවි හානි කරගෙන තිබෙන්නේ මහින්ද විද්යාලය ඉදිරිපිට වූ තම බෝඩිම තුලදීය. මේ සඳහා ඇද ඇතිරිල්ලක් භාවිතා කර ඇති බවයි වාර්තා වන්නේ.
තම යහළුවන් සමග පාසල් යාමට සුදානම් වූ මොහු, තමන් පසුව එන බව පවසා යහළුවන් පිටත් කර යවා තිබෙනවා. කෙසේ නමුත් ඔහු පාසල් නොපැමිණි නිසා උදැසන 8:10ට පමණ අදාල යහළුවන් මොහුගේ ජංගම දුරකථනයට ඇමතුමක් ගෙන තිබෙනවා. ඒ අවස්ථාවේ ඔහු ප්රකාශ කර තිබෙන්නේ තමාට නිදිමත බවත් ඒ නිසා නිදා ගන්නා බවත්ය.
ඉන් පසු උදැසන 9:00 ට පමණ නිවාසාන්තර තරග පුහුණුවීම් කටයුතු සදහා පිටත්ව යන අතර යහළුවන් ඔහු බැලීම සදහා මෙම නිවසට පැමිණ තිබෙනවා. ඒ අවස්ථාවේ මොහුට කතා කල නමුත් ප්රතිචාරයක් නොමැති නිසා යහළුවන් කාමරයේ කවුළුවකින් විපරම් කර ඇති අතර, ඒ අවස්ථාවෙයි මෙම සිදුවීම ඔවුන්දැක තිබෙන්නේ.
වහාම ක්රියාත්මක වූ සිසුන් මොහුව කරාපිටිය ශික්ෂණ රෝහල වෙත රැගෙන ගියත් ඒ වන විටත් මොහු මියගොස් ඇති බවයි වාර්තා වන්නේ
මරණයට හේතුව තවමත් අනාවරණය වී නොමැති අතර සියදිවි හානි කර ගැනීමට තරම් හේතුවක් ඔහුට නොතිබූ බවයි සමීප මිතුරන් පවසන්නේ. මරණය පිලිබදව පරේෂණ පවත්වන පොලීසිය මේ වන විටත් කිහිප දෙනෙකුගේ සාක්ෂි සටහන් කරගෙන තිබෙනවා.
විදුහලේ දීප්තිමත් සිසුවකු වන මියගිය අනුෂ්ක මදුෂාන් විදුහල් පාපන්දු කණ්ඩායමේ මෙන්ම ජනමාධ්ය කවයේද සාමාජිකයෙකි.
අකලට වියෝ වූ මිහිඳු මල් කැකුළට නිවන් සුව පතමු !
මෙම සිද්ධිය ස්වර්ණවාහිනිය මෙසේ වාර්ථා කලා Live@12 23/01/2012
අනුශ්කගේ FB Page 1
No comments:
Post a Comment